DETERMINANTES NUMERAIS

Seguimos aprendendo as clases de determinantes. Hoxe localizaremos os numerais. Dentro deste grupo podemos diferenciar entre os cardinais e os numerais. Os que aparecen na fotografía son ordinais, porque indican orde. Preme neles e poderás practicar o seu uso. Ademais repasaremos o suxeito e o predicado das oracións e, incluso compoñeremos un pequeno poema.

ORTOGRAFÍA: "B" OU "V"?

Diferencias ben o uso do "b" e do "v"? Imos comprobalo.

Primeiro faremos un ditado. Ollo que van aparecer moitas palabras que poden prestarse a confusión!!

Logo, ademais de practicar ortografía, repasaremos sinónimos. Lembras o que eran?

Preme na fotografía e a traballar.

REPASAMOS

Alicia pregunta ó Gato de Cheshire que camiño deberá tomar para chegar ó seu destino. O da dereita...? Tal vez o da esquerda...? Cal será máis longo?

Canto medirá a árbore onde está subido o Gato?

Que fracción de distintos animais atopará Alicia no bosque?

Cantos dentes ensina o Gato ó sorrir se poden verse 2/4 dos 24 que ten?

Estas e outras cuestións relacionadas con lonxitudes, fraccións e números decimais poderás resolvelas se premes na fotografía.

FRACCIÓN DUN NÚMERO

Alicia está de novo nun bosque. Hai moitas árbores. 2/3 desas árbores son castiñeiros. Averigüemos cantos castiñeiros son.

Para resolver este problema necesitamos calcular a fracción dun número.

Preme na fotografía e, ademais dunha lectura sobre o mundo marabilloso de Alicia, atoparás a maneira de calcular a fracción dun número e varios casos para practicar.

OS INDEFINIDOS

Así vemos na actualidade a Romería da Virxe da Barca. Queres saber como a relatou Rosalía de Castro?

Preme na fotografía e poderás ler un fragmento da poesía que esta autora adicou á Romería que se celebra no mes de setembro en Muxía.

Ademais, aprenderemos cales son os determinantes indefinidos.

A CENTÉSIMA

Alicia está na casa da Duquesa. Fíxate no chan da cociña, está formado por cen baldosas, así que cada unha delas é unha centésima. Preme na fotografía para seguir traballando con números decimais.

UNHA MAÑÁ NA PISCINA

O alumnado de 1º, 2º e 4º de Primaria fomos o martes 22 de marzo á piscina de Cee.

Axudados polos profes que nos acompañaron e por dous monitores fixemos un montón de actividades. Podes velas todas neste vídeo.

A DÉCIMA

"...y, de vez en cuando, un fuerte estallido, como si una fuente o una cazuela se hubieran hecho añicos."

Qué sucede se unha cazola rompe en 10 cachiños iguais? Pois que cada un deles é unha décima.

Imos comezar a traballar con números decimais. Atréveste? Pois preme na fotografía.

APRENDEMOS A DEFINIR

Imos definir palabras, pero sen usar o diccionario. Para comezar leremos unha cantiga típica de Muxía e comentarémola... A que se parece? Que idea nos transmite? Que elementos propios dun pobo mariñeiro atopamos?...

Logo aproveitaremos algúns substantivos desa canción para practicar a definición.

Preme na fotografía do diccionario e... adiante.

CORPOS XEOMÉTRICOS

"Alicia se quedó durante unos minutos observando la casa cuando de pronto un lacayo, con cara de Pez, salió del bosque y dio con los nudillos unos golpes en la puerta."

A casa está construída con corpos xeométricos. Aprenderemos a recoñecer prismas e pirámides en varios edificios. Preme na fotografía para aprender as súas características. Tamén mediremos un sobre para calcular o seu perímetro.

LIÑAS, POLÍGONOS, FRACCIÓNS...

"Mientras así pensaba, Alicia llegó a un claro con una casita de un metro veinte de alto."

Esta casa vainos sevir para buscar clases de liñas, polígonos e calcular perímetros. Preme na fotografía para reforzar os contidos das últimas semanas.

ERA UNHA FOLLA

Este é o título dun poema de Gonzalo López Abente que comeza así:

"Era unha folla muchada

barrida do vendaval..."

Para ler a poesía completa, traballar sobre o seu contido e analizar algunhas das súas palabras, preme na fotografía. Tamén faremos unha descrición da folla do carballo.

OS NOSOS POETAS

Xa que estamos no mes da poesía, imos coñecer a dous poetas galegos: Gonzalo López Abente e Rosalía de Castro.

Investigaremos sobre a súa vida e cales son as obras máis coñecidas. Seleccionaremos algúns poemas e aprenderemos a recitalos.

Serías capaz de aprender algún fragmento de memoria?

Primeiro imos buscar datos relevantes da súa vida. Para iso podes premer nas fotografías dos poetas. Para saber que datos debes anotar, preme aquí e logo vainos escribindo no teu caderno.

LEMOS FRACCIÓNS

Despois de comer da seta, Alicia medrou de novo e o seu pescozo adquiriu un tamaño impresionante por enriba das copas das árbores. Tal era a lonxitude do seu pescozo que unha pomba confundiuno cunha serpe.

Que che parece se aproveitamos o pescozo de Alicia para dividilo en partes iguais e representar nel algunhas fraccións? Tamén aprenderemos a lelas.

Preme na fotografía e... a traballar!

ANTROIDO

O venres 4 de marzo celebramos o antroido no colexio. Disfrazámonos de seres doutros mundos, desfilamos, xogamos e comimos un montón de larpeiradas que fixeron as nosas familias.

Disfruta con nós vendo estas imaxes.

AS NOSAS MASCOTAS

Xa fixemos o D.N.I. das nosas mascotas.

Primeiro describímolas, tendo en conta o seu aspecto físico e a súa forma de ser.

Tamén explicamos como chegaron ás nosas mans e que relación temos con elas.

Finalmente pegamos unha fotografía para que as coñezades mellor: unha imaxe vale máis que mil palabras.

Esperamos que che guste o noso traballo.

FACENDO UNHA MÁSCARA

Queres ver como elaboramos a máscara do gato de Cheshire?
Preme no vídeo para averigualo.

OPINAMOS SOBRE "O BEBÉ MÁXICO"

Hai uns días rematamos de ler "O bebé máxico". Gustounos moito e queremos facer públicas as nosas opinións. Deste xeito tamén traballamos a expresión oral. Ademais, ó estar por parellas, puxémonos dacordo para non contar os dous o mesmo, aprendemos a respectar o turno de palabra e comprendemos que debemos estar calados cando falan os demais para escoitar o que din e enriquecernos coas súas palabras. Así todos aprendemos de todos.